Bøker av в

У монографії наведено результати дослідження спонтанної алергії у собак, спричиненої згодовуванням білкових кормів. А також представлено експериментальні матеріали щодо патогенного впливу білка курячого яйця та сироватки крові коня на організм цуценят. Проведено порівняльний аналіз результатів клінічних, морфологічних, біохімічних та імунологічних досліджень у собак за спонтанної алергії, спричиненої згодовуванням білкових кормів, і в цуценят при експериментальному введенні білка курячого яйця та сироватки крові коня.

Гетератизиннинг вазорелаксант таъсири асосан Са2+L-канали, SOCC/ROCC блокадаси билан боғлиқлиги, С(6)-позицияда бензоил гуруҳи жойлашганлиги билан гетаратизиндан фарқланувчи 6-О-бензоилгетератизиннинг вазорелаксант таъсири эса Са2+L-канали ва SOCC/ROCC блокадаси билан биргаликда, NO/ГЦ/[цГМФ]in/PKG реакциялар каскади билан комплекс ҳолатда K+-каналлари (KV-канали ва KATP-канали) модуляцияси билан боғлиқлиги тахмин қилинди.

Монографияда тижoрaт бaнклaридa бaлaнсдaн тaшқaри oперaциялaрни тaкoмиллaштириш йўллари ўз аксини топган. Хусусан, унда тижoрaт бaнклaри бaлaнсдaн тaшқaри oперaциялaрининг илмий-нaзaрий aсoслaри вa хoриж тaжрибaси, тижoрaт бaнклaри бaлaнсдaн тaшқaри oперaциялaри тaҳлили, тижoрaт бaнклaри бaлaнсдaн тaшқaри oперaциялaрини ривoжлaнтириш йўллaри масалалари ёритиб берилган. Монография иқтисодиёт йўналишида таҳсил олаётган талабалар, магистрлар, профессор-ўқитувчилар, илмий ходимлар, банк иши соҳаси билан қизиқувчи ва барча китобхонларган мўлжалланган.Тақризчилар А.Т.Абсаламов, иқтисодиёт фанлари бўйича фалсафа доктори, доцент; И.Ф.Сайфидинов, иқтисод фанлари номзоди, доценти.

Ушбу монографияда Ўзбекистонда етакчи сабзавот экинлари бўлган помидор ва бақлажоннинг бўртма нематодасига чидамли, эрта- ва ўртапишар нав ва Ғ1 дурагайларини яратиш соҳасида қилинган кўп йиллик илмий тадқиқот ишларининг натижаси келтирилган. Табиатнинг биотик ва абиотик стресс факторларига чидамли нав ва дурагайлар яратишда бошланғич манбани ўрганиш, истиқболли намуналарнинг адаптив ва комбинацион қобилиятини баҳолаш ва шу асосда селекция ишларини самарали олиб бориш баён этилган. Монография селекционер олимлар, олий ўқув юртлари талабалари, сабзавотчиликка ихтисослашган фермер ва деҳқон хўжаликлари учун мўлжалланган.

XXI асрда жаҳонда туризмнинг маънавий, маърифий ва маданий асосларини ривожлантириш, сайёҳлик фаолияти ва хизматининг нафақат иқтисодий, балки маданий тараққиётга таъсирини ўрганиш ижтимоий-гуманитар фанларнинг долзарб вазифасига айланди. БМТ Жаҳон сайёҳлик ташкилоти бош котиби Талеб Рифаининг фикрича, туризм бугунги куннинг энг муҳим ижтимоий, иқтисодий ва маданий феноменларидан бирига айланди 1. Шу боис, Бирлашган Миллатлар Бутунжаҳон Туризм Ташкилоти (БМБТТ) томонидан 2017 йилда илк маротаба қабул қилинган Туризм этикаси тўғрисида ҳадли конвенциясида туризмни ривожлантиришдан мақсад иқтисодий тараққиёт, халқаро ҳамжиҳатлик, тинчликни таъминлаш ҳамда инсон ҳуқуқлари ва эркинликларини ҳар қандай чекловларсиз ҳурмат қилишга ҳисса қўшиш2 эканлиги қайд этилди. Туризм этикаси, унинг маданий асослари, турист хулқ-атвори каби туризм маданиятининг муҳим категорияларини фалсафий тадқиқ қилиш долзарб вазифалардандир.

Монографияда лингвистик анализатор тушунчаси, унинг турлари ва тавсифи; семантик анализ ва синтезнинг матннинг автоматик таҳлилидаги аҳамияти; семантик анализатор ва унинг ахборот-қидирув тизимида тутган ўрни; анъанавий тилшунослик ва компьютер лингвистикасида омонимия тадқиқи; корпусда омонимияни фарқлаш/ бартараф этиш масаласи; омонимликни фарқлаш омиллари; анъанавий тилшуносликда полифункционал ва кўп маъноли сўзлар тадқиқи; полифункционал ва кўп маъноли сўзларни корпусда бартараф этиш учун фильтрлаш тажрибаси; полифункционал ва кўп маъноли сўзларни ўз ичида фарқлаш омиллари хусусида батафсил фикр юритилган. Ушбу монография компьютер лингвистикаси, корпус лингвистикаси, семантика, амалий тилшунослик фанларини ўқитишда фойдаланиш мумкин. Монография профессор-ўқитувчилар, магистрант, докторант, мустақил изланувчилар ҳамда соҳага қизиқувчилар оммасига мўлжалланган.

Монографияда ўзбек адабиётшунослиги ва танқидчилигида мунаққиднинг илмий-бадиий тафаккури масаласи услуб назарияси билан боғлиқликда тадқиқ этилган. Тадқиқотда бу муаммоларни ҳал этишда йирик навоийшунос олим, етук адабиётшунос, зукко танқидчи Иброҳим Ҳаққул ижоди асос қилиб олинган. Олимнинг мумтоз адабиёт тарихи, ХХ аср ўзбек адабиёти, ҳозирги адабий жараён тадқиқига бағишланган асарлари таҳлили орқали мунаққид услубининг ўзига хослиги ёш олиманинг янги қарашларга бой илмий мулоҳазалари асосида ўрганилган.

Монография ҳозирги кунда сув омборлардан фойдаланишда муаммога айланиб бораётган лойқа босиш ва унинг оқибатларини камайтиришга қаратилган. Лойқа тўлиш ҳажмини камайтиришни башорат қилиш ҳисоби келтирилган. Сув омборини лойқа босиш жараёнлари лаборатория ва табиий дала шароитида олинган маълумотлар асосида таҳлил этилган. Тўпланган маълумотлар таҳлили ва лаборатория тажрибалари асосида сув омборини лойқа босишини камайтириш бўйича тавсиялар ишлаб чиқилди.

Ахборот технологиялари муҳитида электрон ахборот таълим ресурсларини яратиш деб номланган монографияда фан - техника соҳасидаги янгиликларни ўқув дастурлари мазмунига тез сингдириб бориш ва бу орқали ўқувчиларда замонавий билимларни шакллантириш таълимнинг муҳим омиллардан эканлиги кўрсатиб ўтилган. Бу ўз навбатида академик лицейлар учун мультимедиали электрон ўқув - методик мажмуалар яратиш ва улардан таълимда фойдаланиш кўплаб фундаментал тушунчаларни нисбатан енгил, чуқур ва мустаҳкам шакллантириш учун қулай шароит яратади. Шу маънода мазкур монография мавзуси долзарб ҳисобланади.