Bøker av Erlend Skjetne

Sissel går i tiande og må finne ut kva line ho vil velje på vidaregåande. Så har ho fått tilbod om sommarjobb langt heimanfrå. Men til sommaren fyller søstera hennar, Åshild, atten år. For Åshild tyder ikkje dette fridom og nye rettar; foreldra vil at ho skal flytte inn i ein kommunal bufellesskap. Sissel er uroleg: Kva blir att av familien utan Åshild?I Størst og minst er storesøstera veslesøster, og veslesøstera storesøster. Men ei søster er ei søster.

Diktsamlinga Liv, eg har drukke leitar i ord og verseliner, minne og bilete etter ein lyrisk kjærleik. Kva andar enno i dikt skrivne for over eit hundreår sidan? Kvar må ein gå for å høyre den daude syngje?Falle inn i orda dinesom utfor ein skrent,som eit tre i stormendreg med seg grunnenog alle røtene,sperrar vegen,opnar landskapetfor ny skog,for neste vår.

Eit barn som ikkje har språk, ein far som prøver å forstå: I denne diktsamlinga ligg kommunikasjonen tett på tagnaden, kjærleiken tett på sorga.

Eg ser han for meg no: Det snør så vidt, han dreg ei hand gjennom det svarte håret. I det same gløttar han opp på meg, smiler fort, før han løftar ein liten ryggsekk ut av bagasjerommet. Har han reist så lett, må han vere ein av oss. Eit anna blikk er ei forteljing frå eit flyktningmottak i Nord-Noreg. Her bur atten afghanske gutar, derimellom Anwar, som elskar bøker og språk og blir kalla Professoren. Ein dag flyttar Walid inn på rommet hans. Walid er Anwars rake motsetning, ein sjarmerande opprørar og glimrande fotballspelar. Gradvis oppstår eit vennskap mellom Anwar og Walid. Men kvardagen på mottaket er hard, framtida uviss: Kven av dei - om nokon - vil få lov til å bli i Noreg? Vinner av Brageprisen for barne- og ungdomsbøker 2021.

Når eit menneske døyr ein naturleg daude, er det livet han levde som får definere nekrologane, gravferdstalene, mimringa og anekdotane. Dauden vedkomande leid, er ei mindre sak. Med sjølvmordaren er det annleis.Å miste trua si, å miste seg sjølv - eller finne seg sjølv der ein minst ventar det. Kleda er gjennomvåte er historia om ein far og ungane hans, om vala vi gjer og alt dei kan få å seia.

Frå ei bygd i Finnmark til det fornemme England: Hovudpersonen i denne boksingelen meistrar kortstokken og det dekadente livet til ein konge eller knekt, men korleis greier han seg i den verkelege verda? Ruter dame tek deg med til eit særmerkt, smått absurd miljø, der ein ung mann prøver å etablere seg som profesjonell bridgespelar, ein slags bridgegigolo for overklassen. Har han det som trengst, eller gjer han seg best som au pair?