Bøker av Nikolas Herceku

Libri më i madh dhe më i kompletuar i astrologjisë në shqip. Në të do të gjeni historinë e astrologjisë, përshkrimin e shenjave dhe të shtëpive zodiakale, planetët në astronomi, mitologji dhe astrologji, interpretimin e planetëve në shenja dhe shtëpi, tranzitet. Gjithashtu, në libër përshkruhen marrëdhëniet midis dy individëve në bazë të pozicioneve planetare, si dhe astrologjia mjekësore. Hap pas hapi libri ju mundëson të mësoni vetë të ndërtoni harta astrologjike dhe të ushtroni fushën e astrologjisë perëndimore.

Helioteizmi është feja pagane e Diellit, e cila ka ekzistuar që kur ka lindur jeta e deri në shekullin IV.e.s. Ky libër, i ilustruar dhe i veçantë në llojin e vet, flet për të gjitha perënditë e Diellit në botë, që janë adhuruar në fe të ndryshme gjatë historisë njerëzore. Këtu përshkruhen, gjithashtu, vendet e shenjta, tempujt, veprat e artit, festat, lojrat dhe monedhat e lidhura me kultin diellor. Libri përfshin edhe tregime mitologjike, aforizma, zakone e rituale dhe plot tema të tjera që lidhen me Diellin apo hyjninë Diell.