Mmapelo O Ja Serati

mapelo O ja serati ke terama ye e le go ka ga lesogana leo go thwego ke Tumiso. Yena o be a ratana le lekgarebe leo go thwego ke Lerato. Ge nako e ntse e sepela, Tumiso o ile a ikhwetsa a ithatetse lekgarebe le lengwe leo go thwego ke Lethabo, gomme a mo rata go feta ka mokgwa wo a bego a rata Lerato. Go ile goa se be bonolo go re Tumiso a kgaogane le Lerato yoo e be a se a ka a mo direla phoso le ka e tee gore a kgone go ratana le lerato la pelo ya gagwe. Ge matsatsi a gatana direthe, Lerato o ile a thoma go gononela gore go na le seo se diregago gare ga Tumiso le Lethabo, a ba a feletsa a eya go Lethabo go mo tshosetsa gore a kgaogane le lesogana la gagwe. O rile go dira bjalo ya ba e ke o be a ba hlohleletsa gore ba ratane le go feta, seo se ile sa mo ferekanya kudu moo e le go gore o ile a ya go nkadingala gore a mo fe sehlare sa moratiso gore a jese Tumiso pele Lethabo a mo amoga yena. Ka madimabe seo se ile sa se mo somele a kgopisega kudu moo e le go gore o ile a lefa batho go re ba bolaye Lethabo, ka madimabe leano leo le lona la folotsa. Gomme o ile a boyela go nkadingala a mo lefa gore a tlose Lethabo 'tsatsing, ka madimabe maleatlana a nkadingala le ona a hlolega. Moo o ile a bona bokaone e le go betha Lethabo ka molamo go re a mmolaye goba a mo gobatse moo e le go gore Tumiso o tla re ge a mmona a sehlo a nyaka go ikamantsha le yena gape. Ka morago ga dikgobalo tseo Lethabo o ile a hwetswa mmileng a rapaletse ba nama ba mo isa bookelong, Tumiso o rile go kwa go re Lerato ke yena a gobaditsego Lethabo ka mokgwa ola, a nama a befelwa kudu moo e le go gore o ile a arogana le yena. Ka morago ga moo a ya bookelong go Lethabo go kgopela tshwarelo. Lethabo o rile go mo tshwarela a nama a mo kgopela gore a mo nyale, ba nama ba nyalana ya ba maswi le dinose.