Tulaley

Sila brokenhearted kaya't humabi ng tula Sila inspired kaya't lumilok ng mga salita. Sila may ipinaglalaban kaya't mga tula ang ginawang bala. Ako, natulala hanggang sa pumitik ang mga salita at na-uwi sa komposisyong hindi lang isa o dalawa na kalaunan ay aking na-sumpungang may mga hiwatig pala. Mayroong laman na hindi lang makikita kundi madarama. Mga tugma na hindi lamang sa dulo ng mga salita, o nadala ng malikot kong dila. May kahahantungan din pala ang pagtulala, may mahahabi pala sa gitna ng papungas-pungas kong mga mata...